Tedim khuapi Khantohna Kibehlap

Mizoram State Transport Minister Pu Zosangliana, Mizoram Parliament Secretary Pu T.T Zothangsanga leh adang mi 28-te October 7,2014 ni-in Tedim Khuapi leh Ciau kikal lampi en dingin Tedim khuapi hawh pak uh a, Mingalar Hotel ah tawm vei tawl nga-in vai dang teng a zawh khit uh ciangin ciah kik pah uh cih ZYA Tedim tungtawn in kiza hi. Ciau leh Tedim kikal pen India kumpi in abeisa 2005 kumin lampi hoih zaw ding ngimna tawh alignment zong a etsa uh hi in, tua maban zomin kiciantak bawl sawm uh hi. Tua hi in, India kumpi in tukum 2014 sungin Kawlgam pan antang ton 100000 bang lei ding geelna nei uh a, apuak nading lampi hong en khol uh cih kiza hi. Myanmar leh India kizopna lam lianpi ahi Haimual lampi akici pen Kalaymyo pan Tedim Road zui-in Tedim khuapi pan Laitui-Haimual-Ciau ah lut suak ahi hi. Kalaymyo leh Ciau kikal pen Tai 85 gamla a, hih lampi kibawl khin le Zomite sum bawl sumzuakna khantohna tampi om ding bek tham loin, India le Myanmar kizopna bang kimah nuam semsem ding lametna lianpi kinei hi. (Ref: ZYA Tedim)

SHARE

About Unknown