Kawlgam Makaipi 3 te Kimuhna Nei Taktak

Kawlgam President U Thein Sein vaihawmna tawh Kawlgam kikhel zawh a om ngeilo nailo le akhatveina Lutangpi 3 te ahi Galkap kumpite, Mualmi makaite le NLD makai tengin abeisa October 30,2014 ni-in, Naypyidaw (Muanhuai khuapi) ah nai 2 sung kimuhna le holimna nei khawm thei uh hi. Tua kimuhkhopna ah President Thein Sein, Vice President Sai Mauk Kham, Senior General Mi...n Aung Hlaing (Commander-in-Chief), General Soe Win (Deputy Commander-in-Chief), U Shwe Mann (Union Parliament Speaker),U Khin Aung Myint (Upper House Speaker),U Tin Aye (Union Election Commission Chairman), U Nyan Tun (Vice presidents), U Htay Oo (USDP Vice Chairman),U Thein Tun (National Unity Party Representative), Daw Aung San Suu Kyi (NLD leader), Sai Aik Pao (Nationalities Brotherhood Federation leader), U Khin Maung Shwe (Federal Democratic Alliance leader), and U Khun Htun Oo (United Nationalities Alliance leader)te a vekpi mi 14 kihelthei uh hi.

Hih kimuhkhopna hun pen nai 2:15 Minutes sung bek ahih manin, mikhat in Minutes 9 ta bek hun ngahin mimal kipulakna/ mel kilahna teng tawh hun bei ziau a, thugennop bulpi teng bang mah gen manlo uh ci hi. Tua banah hih thukikupna pen hong tung ding November 11-14,2014 sung a Kawlgam hong zin ding ahi US President Barack Obama i muhna le a zakna pan kilawmsakna lel dingin Pu Thein Sein in Meeting sam saisai ahih thu Media te in gen uh hi. US President Obama in bel Kawlgam hong zinswmna tawh kisai abeisa October 30 ni-in, President Thein Sein leh Aung San Suu Kyi phone tawh hopih khin cih thu White House pan taangko khia uh hi.

Hih makaipi 3 te' kimuhkhopna ah Zomi makaipi Pu Chin Sian Thang (President -ZCD) kisamlo cih thu Zomi sungah mipawl khat lunghimawh uh hi. A hi zongin Media tungtawn a thukizakna pan ahih le ZCD pen UNA sungah member khat ahih manin UNA palai dingin UNA makaipi U Khun Tun Oo akisam khin ahih manin, Pu Chin Sian Thang kisamlo ahihna thu Media pan kiciantak kitheikhia hi. Tua hi a hih Makaipi 3 te' kimuhna ding tawh kisai pen kawlgam sunga om Mualmi party te' ngetnget thukhat mah hi a, ahi zongin hih kimuhkhopna tungtawn in Kawlgam maban kalsuanzia ding bang mah kilamdanna om thei pak tuanlo dingin kilamen veve hi.

Source; Irrawady / VOA /BBC

SHARE

About Unknown