S Korea Tembaw Captain Thukhen Sakna

Zomi News :April khasunga S Korea tembaw kibut nahang in mi 300kim sihna hang pen,tembaw captain Lee Joon Seok kiciatlohna hang hi cih mawhsakna tawh kum 36 thongtan dingin thu khensakta uhhi.Sewol S Korea Tembaw pi mihing 730 apua Tembaw pi akibut na hang in,Tembaw tungtuang khualzinmi 300 val in sihlawh in,a si te lak ah a
tam zaw pen sangnaupang te a hi uh hi....

Tembaw Captain Lee Joon-seok in thukhen zum te ii thukhensat a hi kum 36 thongkiat ding a cih pen thukim aa,a hi zong in Tembaw kibut na hang in a sihlawh khualzin mi te ii sang gam nu leh pa te in hih thu pen thukim lo in Tembaw Captain pa pen sihna dan piak ding in kilawm hi ci hi lungkim vet lo uh hi.

Tembaw kibut hun laitak in Tembaw nasem mihing 13 te in Tembaw nusia in taisan in leeng kiak san mang uh a hih man in Tembaw thukhun tawh kizui in Kum 20 sung thongkia ding in thukhen mang te in thukhensat uh hi.

Tembaw kibut hun laitak in Captain pa leh Tembaw tung aa,na sem te in Khualzin mi te nusia in atai san na thu uh mipi te in a nung theih kik uh ciang in nakpi tak hong heh kiksan uh hi.

SHARE

About Unknown