Zomi News : Shah Rukh Khan Nuntak Zia Thu

Zomi News : Shah Rukh Khan pen 1965 November ni 2 in Delhi ah suak in,a suahphet in a nu'n nikhat ni ciang mimin thang khat kisuakding hi naci pah a,a min ding in Shah Rukh Khan (Face Of The King)cih phuak pah hi.Hong minthangtakpi a,a hizong a nu'n a minthan madeuh in nusia hi....

Delhi pan khangkhia hi a,St.Columba's School ah sangkah hi.A sangkah lai in 'Sword Of Honour' cih pahtawi na ngah
hi.Hihpahtawina pen misiam tungtuang khengval te bek a kipia a hihi.Kimawlna lam ut mahmahkhat hi in,zong a siam mahmahkhat a hih man in,tukpeng leh cricket lamah maikai in omzel khat a hihi.Tukpeng kimawlna pan kiliamsak kha a hih man in kimawlna lam khawlsan in film kineihkhem nalam ah hongzom to hi.

Internatianal school ah sangkah khat a hihman in,Hindi subject lam nangh mahmah a,a nu'n Hindi subject na on leh Cinema kong-et pihding a cih leh nakhan ciam mahmah ahihcianga mark 80-100 kikal ngahden ci hi.

2014 kum Time Magazine ten kum(40)nuaisiah Asia heroes miteptehna a neihna vuah SRK zong helsaklai uhhi.Za hai mahmah khat hi a,ni 1 in bawm 2 a tawmpen ngaai den ci uhhi.England gam,a minthang 'Madame Tussaud's Museum sung ah SRK maan zong kisuang ci uhhi.France ten 'Order Of The Arts Literature' cih pahtawina pia uhhi.France ah SRK cih mintuang je-mui (perfume) kibawlsak hi.SRK in VFX company nei a nikhat in nai 4,5 kan ihmu ngeilo ci uhhi.

SHARE

About Unknown